Aram baya nindo mga ka-bombo, sarong babae na gikan sa UK an nagpuon nang magsuspetsiya sa saiyang agom na nagtataksil ini makalihis na i-check an data sa saiyang electric toothbrush companion app asin napansin na igwang kakaibang paggamit digde.
Pigsaysay ni Paul Jones, sarong British private investigator na sa laog kan pirang dekada kaini na eksperyensiya an kaso kan nasambitan ng babae an kakaiba.
Sigun ki Jones, an pagkakadakop sa akto kan pagtataksil kan sarong indibidwal an maikokonsederar na bihira alagad kun madakop ini gamit an sarong electric toothbrush an maikokonsederar na orog na pambihira.
Katakod digde, saro sa mga nagin kliyente ni Jones an sarong babae na kun saen igwa ining duwang aki asin igwang habit na pirmeng i-monitor an pag-toothbrush kan saiyang mga aki sa paagi kan smartphone app.
Digde napansin kan babae na igwang naggagamit kan nasambitan ng toothbrush maski yaon sa eskwelahan asin trabaho an saiyang agom.
Pigkompronta kan babae an saiyang agom alagad pigsaysay kaini na yaon ini sa saiyang trabaho sa bilog na aldaw.
Alagad huli sa patterns asin record na gikan sa smartphone app digde napatotoohan asin nabuko na igwang karelasyon na iba an agom kan babae.
Sa ngunyan, pig-enkaminar na sana ni Jones an publiko na isipon an mga desisyon sa buhay tanganing malikayan na mabugtak sa mas orog pang dipisil na sitwasyon.
