NAGA CITY-Gadan an sarong backride na lalaki makalihis na aksidente ining mahulog sa motor asin magtama an payo.
Binisto an biktima na si Roger Namoro Jr., 27 anyos, residente kan Brgy San Juan, Iriga City.
Sa nagunong impormasyon kan Bombo Radyo Naga sa Buhi Municipal Station, nagbibiyahe soboot an biktima asin an kaibanan kaini sa motor na si John Ely Manaog Orlina, 20 anyos, residente kan Zone 6, Brgy. San Juan, Iriga City, sa Iriga-Buhi road, kan bigla na sana ining mahulog sa gilid kan agihan rason tanganing magsapo ini nin injury sa saiyang payo.
Tulos man ining pigdara sa sarong ospital para sa asistensya medikal alagad pigdeklarar man sana ining dead-on-arrival kan doktor.
Basado sa imbestigasyon kan kapulisan, nasa irarom soboot kan impluwensiya nin arak an duwa kan nangyari an aksidente asin mayo man nin lisensya si Orlina tanganing magmaneho nin motor.
Sa ngunyan, pigdara na si Orlina sa Buhi Municipal Police Station para sa magkakanigong disposisyon.
