NAGA CITY- Dead on arrival an sarong construction worker sa Guinayangan, Quezon makalihis na maaksidente sa tricycle.
Binisto an biktima na si Alias Edward 53-anyos asin residente kan Brgy. Santa Maria Calauag, Quezon.
Sa nagunong impormasyon kan Bombo Radyo Naga sa Quezon Police Provincial Office, napag-araman na mantang pigbabagtas gamit an pigmamanihong tricycle ni Alias Modesto, 56-anyos, residente kan nasambitan ng lugar kaibahan an backrider kaini asing tugang na si Alias Edward an Farm to Market Road Brgy. Himbubulo Este, sa nasambitan ng banwaan gikan Brgy. Dancalan Central pasiring sa town proper kan munisipalidad kan makaabot ini sa pababang parte kan tinampo asin mawaran nin kontrol rason tanganing makabudal sa sarong concrete barrier asin mahulog an biktima asin nagtama an payo sa semento.
Huli digdi, nagsapo nin malalang head injuries si Alias Edward asin pigdeklarar na dead on arrival kan doktor kan darhon ini sa ospital.
Sa ngunyan nasa kustidiya na kan mga otoridad an embweltong tricycle para sa magkakanigong disposisyon.
