Base sa inisyal na imbestigasyon, an 9mm pistol na ginamit kan suspek sa pambambadil sa Banga National High School nakua sa vault kan saiyang ama, sarong empleyado kan DepEd Region 12 asin nagtutukdo man nin gun safety.
Nagpromesa man nin tulos na tabang si House Senior Deputy Speaker Dinand Hernandez para sa mga biktima asin pamilyang naapektuhan kan insidente sa South Cotabato.
Sa sarong intrevista, sinabi ni Hernandez na pigsugo niya an saiyang staff na tabangan an mga biktima na sa ngonian pigbublong mantang nagpaplano siyang magpuli sa Mindanao kaiba si Education Secretary Sonny Angara tanganing bisitahon an eskwelahan asin an mga pamilya.
Idinugang kan mambabatas an importansya kan pagpapatibay kan seguridad sa mga eskwelahan, pagpapakusog kan mental health support para sa mga estudyante, asin an paglikay sa pagpalakop nin dai kumpirmadong impormasyon mantang nagpapadagos an imbestigasyon.
Base sa pinakabagong report, tolong estudyanteng nalugadan an nakaluwas na sa ospital mantang apat pa an padagos na binabantayan asin pigbubulong sa manlaen-laen na ospital sa rehiyon.
