Banwaan sa India nakua an record dapit sa igwang pinakadakol na pinailaw na lampara

Aram baya nindo mga ka bombo pigbisto sa Guinness World Records an sarong banwaan sa India makalihis magpailaw nin 2.6 milyon lampara.

Pigkundusir an pagpapailaw sa northern Indian temple sa banwaan kan Ayodhya, Uttar Pradesh antes an Diwali na sarong Hindu festival of lights.

Pirang ribong mga volunteers an nagsindi kan oil lamps sa Saryu river banks komo pagselebrar kan pagbuwelta kan saindang diyos na Rama sa banwaan kun saen ini ipinangaki makalihis an 14 na taon na paghali.

Huli digde tinawan nin pagbisto kan Guinness World Records an nasambitan ng lugar kan titulong “largest display of oil lamps” na nalampasan an 2.51 milyon gikan sa Ayodhya City sa India.