NAGA CITY- Depresyon an hinihiling ngunian na rason kan paghugot kan kapitan kan Barangay San Isidro, Buhi, Camarines Sur.
Binisto an biktima na si Jojo Sergio, 38 anyos.
Sa entrevista kan Bombo Radyo Naga ki SPO1 Allan Azuela kan Buhi PNP, sinaysay kaini na nadukayan na sana an lawas kan opisyal na nakasabit sa laog kan harong kan tugang kaini asin mayo nang buhay.
Sigon ki Azuela, tulos man idinalagan sa ospital an nasambitan ng kapitan alagad ideneklarar na ining dead on arrival kan mga doktor.
Sa inisyal na imbestigasyon kan mga otoridad nagluluwas na haloy na suboot nagpupurbar na maghugot an Kapitan makalihis ining suhayan kan saiyang agom asin iwalat sa pangangataman kaini an duwa nindang aki.
Sa ngunian, nagpapadagos pa man suboot an ginigibong imbestigasyon kan mga otoridad manungod sa nasambitan ng pangyayari.
