NAGA CITY – Padagos an pigsasagibong fogging activity kan pamayuhan kan Barangay San Francisco, Naga City tanganing makalikay sa helang na dengue an mga residente.
Sa entrevista kan Bombo Radyo Naga ki Efren Nepomoceno, Barangay Captain kan San Francisco, Naga City, pigsaysay kaini na on going an saiyang mga pa-spray sa kada Zona, asin pigpuonan ini sa Zone 1 hasta sona 7 kan nasambitan ng Barangay.
Dugang pa kan opisyal na an nasambitan ng aktibidad, pigpuonan kan nakalihis na Sabado, Nobyembre 9, 2024 asin matapos na piglalaoman sa parehas na aldaw.
Sigun pa ki Nepomoceno, igwa soboot sarong nagpositibo nin kaso kan dengue kaya man pigsagibo kaini an fogging activity.
Mawot man giraray kan opisyal an kalinigan asin an kasalbuhan kan gabos asin ini man lugod soboot an magin prayoridad kan gabos tanganing makalikay sa anuman na kahelangan.
