NAGA CITY- Preparado na an Barangay Tabuco sa siyudad nin Naga para sa pagtataong asistensisya sa piglalaoman na pagdagsa kan mga deboto sa Kafiestahan kan Itom na Nazareno.
Sa entrevista kan Bombo Radyo Naga ki Elisa Carmona, Barangay Kapitan kan Tabuco, Naga City, sinaysay kaini na igwa soboot nakaantabay na mga barangay tanod asin mga kapulisan para sa pagmantinir kan seguridad orog na ta apat na barangay an nakakasakop sa nasambitan ng aktibidad siring kan Mabolo, Lerma, Triangulo asin Tabuco.
Sigun pa ki Carmona, an misa para sa Imahe kan Itom na Nazareno an ikukundusir na sana sa atubangan kan Barangay hall kan lugar asin mabugtak na sana soboot nin canopy nin huli ta igwang pigpapakarhay sa may parte kan Plaza Quezon.
Katakod digde, piglalaoman kan opisyal na kadakol an makikisumaro sa kafiestahan kan Itom na Nazareno nin huli ta bistado naman an aktibidad na ini bako sana sa Quiapo kundi magin sa siyudad nin Naga.
Sa ngunyan, pakiulay na sana ni Carmona sa gabos na makikisumaro sa kafiestahan na bantayan an saindang mga gamit tanganing malikayan an dakulang programa kasabay kan nasambitan ng aktibidad.
