Sinundan nin 25-game suspension si Philadelphia 76ers Forward Paul George huli sa soboot pagbalgar kaini sa anti-drug program kan NBA.
Sigun sa mga report, amindo si George na igwa soboot ining substance na ginamit na klarong pagbalgar sa rules kan NBA, para sa saiyang mental health condition.
Alagad maski dae nilinaw kan NBA kun anong klaseng substance an ginamit kan nasambitan ng basketbolista, pinatawan ninda ini nin 25-game suspension kun saen sa Marso pa ini piglalaomang makakabweltada sa hard court.
Mientrastanto, pigkakarkulong nasa $11.7m o katampad kan ₱688.7M an makakaltas sa sahod ni George na igwang kabilogang $51.7M.
Huli digde, maabot sa $469,692 an makakaltas ki George sa kada laban na dae ini makakakawat.
Piglalaomang sa Marso 25, makakabweltada si George kun saen makakahampang kan saiyang koponon an Chicago Bulls.
