Beteranang aktres Vangie Labalan nagtalikod na sa kinaban sa edad na 83

Nagtalikod na sa kinaban an beteranang aktres na si Vangie Labalan sa edad na 83-anyos.

Pigkumpirmar ini kan saiyang aki na si Carlo sa paagi kan sarong social media post.

Sinaysay kaini na binawian nin buhay an saiyang ina mantang nasa Australia huli naman sa helang.

Dae na nagtao pa nin ibang detalye si Carlo sa kagadanan kan saiyang Ina.

Nakaibahan an aktres sa manlaen-laen na pelikula kan dekada 80 hasta 90 kun saen kadalasan an sa mga komedya.