Nagpatanid an Bureau of Immigration (BI) sa publiko orog na sa mga young professionals sa piggibong massive recruitment kan pirang mga sindikato na nag-eenkaminar na mag trabaho sa abroad komo mga costumer service alagad pag-abot sa ibang nasyon biktima ini kan scam hubs.
Sigun ki BI Spokesperson Dana Sandoval an mga narecruit na mga Filipino an matrabaho sa mga Pogo like operations sa ibang nasyon.
Pig-report ni Sandoval na nasa 118 na mga Filipinos na an saindang naharang sa manlaen-laen na palupadan sa nasyon na nairecruit tanganing magtrabaho sa abroad.
Aminado si Sandoval na sa ibong kan mga bareta na igwang koneksiyon sa POGO igwang mga Pilipino pa giraray an na-eenkaminar na magtrabaho huli sa magayon an offer.
Kun enkaso igwang nagre-recruit na trabaho para sa ibang nasyon siring kan Cambodia, Laos, Thailand asin Burma magsisirbe na sana ining red flag para sa mga Pilipino
Pigkompirmas man kan BI asin PAOCC na magin an mga BPO companies ain call centers an piglaog na man kan mga recruiters.
Kaya abiso kan BI asin PAOCC sa mga Pilipino na mag-ingat asin dae magpa-engganyo sa mga tangro.
Pigsierto man kan gobyerno na orog pa kaining papakusogon an pagtugis sa mga recruiters na ini tanganing mapanagot an mga ini sa ley.
Sa katunayan igwang nadakop na mga otoridad asin pigsunadan na nin kaso.
