Pigpaparikas kan Bureau of Immigration (BI) an pagproseso kan mga aplikasyon kan mga empleyado kan Philippine offshore gaming operators (POGO) o internet gaming licensees (IGL) tanganing makahali tulos sa nasyon.
Sinaysay ni BI Acting Commissioner Joel Anthony Viado, na nag-buo an ahensya nin team tanganing personal na magpasiring sa POGO asin IGL companies tanganing ma-implemantar an saindang (visa) downgrading on-the-spot.
Sigun pa ki Viado na dapat boluntaryong i-downgrade kan mga foreign POGO asin IGL workers an saindang mga visa sa Oktubre 15. Makalihis suboot an nasambitan na petsa, dapat maghali na suboot sa nasyon an mga POGO personnel sa laog kan 59 aldaw o antes an Disyembre 31 o posible man na hampamgon an deportasyon asin magin an blacklisting.
Dugang pa, Piggibo ni Viado an saiyang pahayag kasunod kan pigkundidir na meeting dapit sa pagsarado kan mga POGO firms kadayon an mga opisyal kan BI, DOJ, Department of Labor and Employment (DOLE), Department of the Interior and Local Government, Philippine Amusement and Gaming Corp., Philippine National Police, National Bureau of Investigation asin an Presidential Anti-Organized Crime Commission.
Nag-uyon man an mga ahensya kan pamahalaan na magtalaan nin “service days” para sa mga empleyado kan POGO kun saen ida-downgrade kan BI an saindang visa status asin mapaluwas nin exit clearance.
Sa ngunyan, nag-downgrade na an BI nin kabilugang 5,955 visa, kung saen 55 percent kan mga may-sadiri an naghali nin nasyon kan nakalihis na Setyembre 24, sigun sa ahensya.
