NAGA CITY-Mayo na nin buhay kan madukayan an binatilyo sa banwaan nin Libmanan Camarines Sur makalihis na malamos.
Sa entrevista kan Bombo Radyo Naga ki Police Chief Master Sergeant Juan V Batolina, Spokesperson/PIO Libmanan MPS, sinaysay kaini na kan nakalihis na aldaw nin Byernes, pasado ala 1 nin pagkahapon kan nagka aragdahan an grupo kan mga kaakian na mag banwit sa sarong salog sa Brgy Palangon nasambitan ng banwaan.
Huli sa kusog kan bulos kan uran asin mayo nin madakop na sira, digde na nagka aragdahan na magkararigos an mga ini. Digde na nalamos an nasambitan ng biktima, 12 anyos, residente kan nasambitan ng banwaan.
Sigun ki Batolina, inabot nin haros duwang oras antes na maipaabot sa saidnang himpilan an insidente huli sa labing takot na namatean kan ibang pag iribang aki.
An nasambitan ng salog an pirang beses nang pinangyarihan nin insidente kan pagkalamos kaya man pigkokonsiderar na delikado an lugar.
Sa ngunyan, pangapudan pa kan opisyal an mahigot na pagbabantay kan mga magurang sa mga aki sa nasambitan ng banwaan, tangani malikayan na mautro liwat an nasambitan ng makamundong pangyayari.
