Maduong pinahimutikan kan Malakanyang na igwa nin kinaaraman an palasyo sa blank pages na nakapalaog sa irarom kan 2025 General Appropriations Act (GAA).
Ini an kasunod sa mga alegasyon na igwa nin mga blank pages sa GAA na pigpirmahan ni Presidente Ferdinand Marcos Jr. Sigun ki Executive Secretary Lucas Bersamin dapat halion sa kaaraman kan publiko na igwa nin kinaaraman si Presidente Marcos sa mga nasambitan ng blank pages na nakapalaog sa 2025 national budget.
Duon ni Bersamin na ini an rason kun tano maduon ninda ining pinahimutikan na tinawan an presidente nin blank check. Sigun pa ki Bersamin na internal ini sa kongreso asin saindang nirerespeto an boundaries sa pag-ultanan kan executive asin legislative branch asin ini man an rason kun tano hasya sa ngunyan habo nindang mag komento kun isay an dapat basulon.
Pigsierto man kan executive secretary na dae nakinabang an office of the president sa nasambitan ng blankong pahina. Dugang pa kaini na fake news an mga nagkukuriyat na impormasyon nin huli ta pigbabasol si Presidente na iyong nag pag-fill up sa nasambitan ng blankong pahina.
Duon pa ni Bersamin napaka malisyoso an mga nasambitan ng pahayag kan dating Presidente Rodrigo Duterte. Ipina-aabot man ni Bersamin sa publiko na mayong kinaaramang an Palasyo sa blankong pahina asin an dapat haputon digdi an mga Congressmen asin mga senador.
Huli sa mga naging pagbabago sa pambansang pondo, nagsasagibo an Presidente nin konsultasyon tanganing maarama kun ano an epekto sa mga ahensiya kan gobyerno makalihis tapsayan an saindang budget.
Pighamon man ni Bersamin si Congressman Isidro Ungab na patotoohan an saiyang mga alegasyon.
