NAGA CITY- Pigkundusir an blood letting activity sa Brgy. Sabang, Calabanga, Camarines Sur.
Sigun ki Paul Santos, Kapitan kan nasambitan ng lugar, na an nasambitan ng aktibidad an inisyatibo kan lokal na gobierno kan banwaan, katuwang na Blood bank. Kun saen, dakol an nagpartisipar digdi.
Sigun ki Santos, dakulang tabang an siring na aktibidad nin huli ta apwera sa makakatabang na sa ibang tawo asin magrerefresh an daloy kan dugo kan mga donor, parte naman ini sa saindang pagselebrar kan kafiestahan sa barangay.
Mientrastanto, tinawan-importansya man ni Allan Bristol, sarong Blood Donor na an willingness sa pagdonar nin dugo an igwa nin benepisyo bako sanang para sa saindang salud alagad para sa bilog na kumunidad.
Sa ibong na lado, aktibo man an lokal na gobierno kan banwaan para sa pagpreparar kan panahon nin tag-uran siring na sana kan paglilinig sa mga kanal tanganing makalikay sa kaso kan dengue sa saindang banwaan.
