NAGA CITY- Nairehistro an tulong klase kan Cancer sa Bicol Region.
Sa nagin pataratara ni Dr. Alma Bresnan, Head, Regional Cancer Center, pigsaysay kaini na top 1 sa cancer sa nasambitan ng rehiyon an breast cancer, pigsunudan ini kan cervical cancer asin nagpantolo man an lung cancer.
An nasambitan ng mga helang an nairehistro an iba sa record gikan naman sa Bicol Medical Center. Kun saen, haros nasa 30% an igwa kan breast cancer, mantang 11.8% man na mga pasyente an igwa nin cervical cancer asin nasa 3% man sa lung cancer an saindang nakua sa consultation.
Mientrastanto, obheto kan saindang center na magkapagtao nin tabang sa mga indibidwal na igwa kan siring kan helang ini nin huli ta igwa naman sinda nin mga programa para digdi.
