NAGA CITY- Nangapudan ngunian an sarong Barangay Kapitan sa Philippine Drug Enforcement Agency (PDEA) na pakarhayon an mga salang impormasyong na isinapubliko kan mga ini.
Ini makalihis na magluwas sa nasambitan ng narcolist an sarong Navitividad Bombita, saro sa mga Kagawad sa Barangay Sogod, Tinambac, Camarines Sur alagad sigon ki Kapitan Alex Brugada, mayo suboot arog kaining pangaran sa lugar na saiyang nasasakupan.
Sigon ki Brugada, imposible man na maimbwelto sa ipinapangalad na bulong an saiyang mga Kagawad huli ta mahigot suboot an pagpapaotob kan mga ini sa mga lakdang na may kinaaraman sa paglaban sa illegal drugs.
Pagtubod ni Brugada, baka gikan suboot sa ibang barangay an nasambitan ng opisyal alagad naikabit ini sa saindang lugar.
Katakod kaini, nangapudan si Brugada sa PDEA na linawon an nasambitan ng impormasyon tanganing malinig man suboot an pangaran kan saindang barangay nin huli sana sa nasambitan ng pangaran na kasabay sa saindang isinapubliko kan mga nakalihis na aldaw.
