Nagpautob an Bangko Sentral ng Pilipinas (BSP) nin tapyas sa interest rate makalihis an pag-uulay kan Monetary Board kasuodma.
Sigun ki BSP Governor Eli Remolona Jr., ibinaba an Target Reverse Repurchase (RRP) Rate kan 25 basis points kaya nasa 4.25 percent na sana ini.
Apwera digde, tinapyasan man an interest rate sa overnight deposit facility na nasa 3.75 percent asin sa overnight lending facility na nasa 4.75 percent.
Boot sabihon, lalaoman an mas hababang interes sa pagpapautang kan mga bagko para sa harong, kotse, asin negosyo na obhetong pasiglahon an paggastos asin pamumuhunan tanganing magkusog an ekonomiya kan nasyon.
Pigsierto man kan BSP na kontrolado pa man an inflation o paglangkaw kan presyo kan mga barakalon asin serbisyo sa nasyon.
Sa ibong kaini, piglalaoman an bahagyang paglangkaw kan inflation sa masunod na taon huli sa posibleng pagmahal kan nagkapirang produkto.
Sa ngunyan, sinaysay kan BSP na maluya an paglago kan ekonomiya huli sa dae masyadong paggastos kan publiko asin mga negosyo.
