Mabweltada sa Pinas an main dancer asin lead rapper kan sikat na South Korean boy band na BTS na si Jung Ho-seok o mas bistado sa saiyang stage name na J-Hope para sa saiyang kaenot-inuting upcoming solo concert tour.
Pig-anunsyar kan Korean superstar sa saiyang Instagram post/story an mga nasyong parte kan saiyang solo tour na pig-apod na “Hope on the Stage” na mapuon sa 3 back-to-back shows puon February 28 hasta March 2 sa Seoul.
Susunudan ini kan saiyang concert tour sa iba pang cities sa US asin Asia kabali na an Manila.
An Asian leg tour kan Korean rapper sa Manila an isasagibo sa SM Mall of Asia Arena sa April 12 asin 13, sunod sa Saitama, Singapore, Jakarta, Bangkok, Macau, Taipei asin Osaka.
Ini man an enot na pagkakataon na mabwelta an sarong BTS member sa Pinas kasunod kan “Wings” concert kanBTS kan 2017 na pigkundusir man sa MOA Arena.
