NAGA CITY – Nagpapadagos an pigkukundusir na Business One-Stop-Shop o BOSS sa siyudad nin Iriga.
Sa entrevista kan Bombo Radyo Naga ki FO3 Peter Jade Bante, Spokesperson kan BFP Iriga City, sinaysay kaini na an nasambitan ng aktibidad nagpuon kasuudma, Enero, 6 asin mangyayari sa bilog na Enero ngunyan na taon.
Dugang pa ni Bante na sa mga mawot na mag-apply nin business permit, gabos na agency manungod sa nasambitan ng pag-apply yaon na sa sarong area tanganing dae na soboot masakitan pa an mga negosyanteng mawot mag apply nin business permit.
Sigun pa ki Bante, an mga kaipuhan na darahon para sa pag-apply kan nasambitan ng business permit iyo an endorsement from the office of the building, assessment of business permit fee, ini man an ia-assess kan BFP kun pira an babayadan kan negosyante para sa pag-inspeksiyon kan building, huli ta an lambang agency an igwang pigbabayadan, siring man an tax assessment bill gikan sa business processing and licensing office asin an pinaka-importante sa mga requirements iyo an application form na dapat accomplish na kan mga mawot mag apply nin business permit gikan sa BFP tanganing dagos-dagos an pag-proseso kan saindang papel.
Pigtawan-duon pa ni Bante na an saindang ahensiya an saro sa mga pigdudulukan tanganing makakua nin business permit huli ta kun dae mag-apply sa BFP nin certificate dae man matatawan an sarong negosyante nin business permit.
An mga pighihiling kan BFP tuyong nagi-inspeksiyon sa sarong establisyemento, enot iyo an fire exit huli ta kun igwang kasulo marekas na makakaluwas an mga tawo sa laog, panduwa an hagdanan sa lugar, siring man kun gurano kadakula an pinto huli ta gabos na ini igwang equation para sa kasalbaduhan kan gabos.
Pangapudan man kan opisyal sa mga residentes kan siyudad nin Iriga na mawot mag-apply nin business permit na magpasiring na sana soboot sa Iriga City Hall na nagseserbeng venue kan nasambitan ng BOSS.
