Na-tow o nahatak na an C295 aircraft kan Philippine Airforce na nag-emergency landing sa Basco Airport sa Batanes kan Nobyembre 1.
Segun sa hepe of staff kan Armed Forces of the Philippines (AFP) na si Gen. Romeo Brawner Jr., pigsaysay kaini na repairable na an Airbus asin pwede nang ipadagos an operasyon kan Basco airport.
Kasunod kaini, padagos man soboot an pagpapadara nin relief goods sa Batanes para sa mga biktima kan dai pa sana nahahaloy na bagyong Kristine asin Leon.
Sa ngonian nag-preparar man sinda sa pag-abot kan bagyong Marce asin igwa na nin mga naka-preposition na relief goods asin family food packs.
Mientrastanto, apwera sa C295, pigsierto kan hepe kan AFP na bastante an saindang air assets asin igwa pa sindang mga C-130 asin iba pang C-295 tanganing maghatod nin ayuda sa mga biktima kan bagyo.
Pag-abot sa humanitarian assistance asin disaster response operations sa mga mayor na kalamidad arog kan bagyong Kristine, nagpapasalamat an AFP sa tabang gikan sa ASEAN siring kan Singapore, Indonesia, Malaysia asin Brunei Jr.
