CAB imamantinir an Level 4 na fuel surcharge sa bulan nin Oktubre

Imamantenir kan Civil Aeronautics Board (CAB) sa Level 4 an fuel surcharges na saindang pigpautob sa bulan kan Oktubre.

Sigun sa CAB an lakdang tanganing masierto an stability kan airline operations maski igwang dae aram na global fuel price fluctation.

Ini an pantulong surunudan na bulan na pigpautob kan CAB an level 4 na fuel surcharges.

Para sa Level 4 mabayad an mga pasahero na mabyahe sana sa laog kan Pilipinas puon P117 hasta P342 kada pasahero depende sa rayo kan biyahe.

Mantang an mga international flights mabayad puon P85.70 hasta P2,867.82 kada pasahero.

An nasambitan na kantidad pigkuwenta sa kada fuel consumption kan sarong flight.