NAGA CITY- Liwat na naipuli kan Camarines Sur delegation an kampeonato sa kakatapos na Palarong Bicol 2018 na ginibo sa ciudad nin Naga.
Back to back win an nasungkit kan Camarines Sur sa nasabing regional sporting event mantang nag-first runner-up man an Albay delegation sa ibong kan mga na-eksperyensyahang ulang sa saindang training huli sa ashfall gikan sa Bulkang Mayon.
Nagpalyar man an Naga City delegation na maibulsa an titulo makalihis maglanding komo 2nd runner-up.
Third runner-up man sa nasabing sporting event an Camarines Norte delegation na kan enot, nagpapanduwa sa Camarines Sur.
Naghabol man an Tabaco City komo 4th runner-up mantang 5th runner-up an Iriga City.
Makalihis an Palaro, tulos na inupload sa Facebook page kan Naga Smiles to the World an sarong video tribute para sa mga atletang Bicolano na sunod na masabak sa Palarong Pambansa.
Marurumduman na mahigot kuta nang kampanya kan host city na maibwelta sainda an kampeonato sa Palarong Bicol 2018 na huring napasiring sa saindang kamot kan taong 2016.
