Padagos an pigsasagibong monitoring kan Camaligan Disaster Risk Reduction Office sa mga eskwelahan sa banwaan kan Camaligan.
Sa nagin entrevista kan Bombo Radyo Naga ki Johanna Marie R. Estrella DRRM assistant in research planning, pigsaysay kaini na padagos an saindang pigsasagibong weather monitoring susog sa update kan PAGASA tanganing magin alerto an mga residente kan Camaligan sa kun ano an pwede kaining maeksperyensyahan.
Sigun pa ki Estrella na preparado an mga ini sa kun ano an mag-abot huli ta tag uran na kaya an saindang mga resources pirming preparado.
Katakod dgdi, kan nakalihis sanang semana nagkundusir ini nin 4th quarter kan national simultanous earthquake drill sa sarong eskwelahan kaibahan an PNP Camaligan, asin BFP.
Dugang pa digde, an mga jovenes an nakikipag koordinar sainda sa pagkundusir nin training dapit sa basic life support.
Sigun pa ki Estrella na naoogma ini sa mga jovenes huli ta pig-aapply kan mga ini an nanundan sa nasambitan ng mga training.
Mientrastanto, pigpagirumduman man ni Estrella an publiko na kun mawot ining magpartisipar sa nasambitan ng mga training kinakaipuhan sana soboot na magtao sainda nin surat asin sa saindang Alkalde tanganing magkaigwa nin schedule asin pirmi man soboot ining nag-aako kan siring na surat alagad siertuhon na an saindang katuyuhan iyo man an seminar
