Puminakol na sa 17 an bilang kan mga nagadan huli sa pagkarumpag kan pigtutugdok na edificio sa Angeles City, Pampanga.
Segun sa Bureau of Fire Protection (BFP) Central Luzon, narekober an ika-16 na bangkay poco mas o menos alas 2:07 nin maagahon, mantang nakua an ika-17 makalihis an pirang oras.
Padagos pa an operasyon sa paghanap, rescue, asin retrieval para sa tolong iba pang mga indibidwal na pigtutubudan na na-trap sa irarom kan narumpag na estraktura.
Magigirumduman na 27 katawo an matrayumpong naisalbar sa insidente na nagkawsa nin dakulang takot sa mga residente asin otoridad.
Nagdadanay na naka-alerto an mga rescue teams asin iba pang ahensya kan gobyerno tanganing masierto na mayo nang mawawalat pang biktima sa lugar.
An trahedya liwat na nagpahiling kan pangangaipo para sa estriktong implementasyon kan mga pamantayan sa kaligtasan sa mga proyekto sa konstruksyon sa nasyon.
Nagpagirumdom an Department of the Interior and Local Government (DILG) sa mga lokal na gobyerno na mahigot na bantayan an mga edipisyo na pigtutugdok sa saindang kanya-kanyang hurisdiksyon ngani na masiguro an kalidad asin pagkakaigwa nin magkakanigong clearances.
