NAGA CITY – Nagpepreparar na an Camarines Sur National High School para sa nagdadangadang na pagbubukas liwat kan mga eskwelahan ngunyan na bulan.
Sa entrevista kan Bombo Radyo Naga ki Sulpicio Alferez III, PhD, School Principal IV Camarines Sur National High School, sinaysay kaini makalihis an saindang kasiributan para sa foundation kan saindang eskwelahan an magpupuon naman sinda para sa mga preparasyon orog pagpapakarhay kan mga classrooms na gagamiton kan mga estudyante.
Duwang semana antes an klarasehan, pupuonan naman ninda an paglilinig asin pagpapakarhay sa laog kan eskwelahan para sa kasalbaduhan kan mga estudyante.
Dugang pa ni Alferez, mahigot man nindang pigbabantayan an mga estudyante orog na an mga dae nagsusulot kan saindang mga uniporme.
Naglalaom man an opisyal na mayo na sinda nin ma-eencounter na problema sa pagbubukas kan klase sa maabot na Hulyo 29. Sa ngunyan, nakalatag naman sobot an saindang mga intervention asin lakdang katakod kan pagpuon kan klase.
