Naglansar nin bagong “Piso Sale” an Cebu Pacific kan nakalihis na aldaw, Huwebes, Nobyembre 7 makalihis magkaigwa nin parehas na promo para sa mga bagong mabiyahen pasiring Ilo-Ilo kan nakalihis na Oktubre.
Sa sarong report, pinagsaysay kan Cebu Pacific na an mga biyahero pwedeng magpareserba nin mga biyahe pasiring sa mga lokal asin internasyonal na destinasyon na mapakol sana nin P1 one way base fare, dae kabali an mga bayad asin mga surcharges puon kan nakalihis na aldaw, Huwebes, Nobyembre 7 hasta Nobyembre 11, 2024.
An panahon nin pagbiyahe mapuon Hunyo 1 hasta Oktubre 31, 2025.
An Cebu Pacific nag ooperar sa 35 lokal asin 26 sa internasyonal na destinasyon na nakakuriyat sa Asya, Australia, asin Tahaw na Sirangan.
Mientrastanto, an mga biyahero na nagpaplano nin mga biyahe sa laog kan nasyon para sa enot na kwarter kan masunod na taon igwa hasta sa Huwebes tanganing makakua kan espesyal na sale kan eroplano sa Nobyembre.
An mga pasahero pwedeng makakua nin mga tukawan sa laog kan nasyon na ipinapabakal sa kantidad na P99 one-way base fare — na dai kabali an mga bayad asin mga surcharge — na may panahon nin pagbiyahe poon Enero 1 sagkod Marso 31, 2025.
