Nagtangro an Cebu Pacific nin seat sale para sa mga mabiyahe pasiring sa Sapporo.Sa kantidad na P1,488 one way base fare, pwede na magbook an mga biyahero puon Manila pasiring “City of Snow” puon Nobyembre 13 hasta 19.
Makalihis pwede na ining magbiyahe anu man na oras sa Enero 16 hasta Marso 29, 2025.
An budget carrier nagbabiyahe nin tolong beses kada semana- kada martes, huwebes, asin Sabado sa Sapporo puon Enero 16.
Sigun sa Cebu Pacific, ini an magigin sulamenteng airline na direktang malupad sa tahaw kan 2 siyudad.
An baratong carrier nagsaysay na an mga bisita pwede na ngunyan mag ski, magbilog nin mga snowmen, porbaran an sledding, asin maeksperyensiyahan an Sapporo Snow Festival sa paagi kan paglupad duman sa enot na bulan kan taon.
Sigun pa man sa cebu pacific, igwa na ining biyahe ngunyan sa 27 international destinations sa Asia, Australia, asin Middle East.
An net income kan Cebu Pacific nagdoble sa enot na quarter kan taon sa tahaw kan makusog na travel demand.
