Ipinagtanggol kan negosyanteng si Charlie ‘Atong’ Ang an aktres na si Gretchen Barreto mapadapit sa pagkakadawit kaini sa kaso kan mga nawawarang sabungero.
Kun saen, pinahimutikan kan nasambitan ng ‘gaming industry tycoon’ na igwang katotoohan an pagigin imbwelto o kaparte soboot ni Gretchen Barreto sa pagkawara kan mga sabungero.
An nasambitan ng aktres kaya an pinaratangan ni alyas ‘Totoy’ o Julie ‘Dondon’ Patidongan, na igwa soboot kinaaraman mapadapit sa kaso.
Kaya an negosyanteng si Atong Ang, pigtawan-duon na mayong kinaaraman si Barreto asin kaibahan sana soboot ini sa grupo.
Saro si Gretchen Barreto sa mga investor na kaibahan sa saindang grupo na ‘Group A’ asin piggagamit sana para sa marketing kan negosyong sabong.
Huli digde, nagtutubod an saindang kampo na dae dawit an bistadong aktres sa anumang kalokohan o ilegal na gibuhon.
Magin si Charlie ‘Atong’ Ang pinahimutikan an alegasyong pagigin imbwelto kaini sa kaso komo soboot ‘mastermind’ sa pagkawara kan mga sabungero.
Kaya saiyang isinapormal an patong-patong na mga reklamo kontra ki Alyas ‘Totoy’ mapadapit sa mga alegasyon kaini.
Alagad marurumduman man na naenot ng pighayag kan Department of Justice na igwang gabat asin kredibilidad an kapot nindang testimonya gikan ki alyas Totoy mapadapit sa isyu kan ‘missing sabungeros’.
