Kasunod kan sub-par performance ni June Mar Fajardo sa nakamamanghang opening night loss kan Gilas Pilipinas laban sa Chinese Taipei kan 2025 FIBA Asia Cup, pigdepensaran kan big man kan San Miguel teammate na si Chris Ross an eight-time PBA Most Valuable Player sa mga batikos online.
Nagkawat si Fajardo nin 19 minuto asin 29 segundo sa 95-87 pagkadaog kan Gilas kontra sa Chinese Taipei. Nagtapos ini nin duwang puntos asin duwang rebound, nagibo an saro sa saiyang tulong field goal na pagporbar mantang nagibo an tulong turnovers.
Pigtuyaw kan nagkapirang fans an 6-foot-10 center huli man sa saiyang pagpapahiling, orog na ta si Fajardo asin an San Miguel Beermen an maluwas sa kampeonato kan PBA kan nakalihis na bulan.
Sinimbag man ni Ross, sa sarong post sa X, an sarong fan na iniladawan si Fajardo komo sarong “complete joke in the international” stage
Sa ibong kaini nagkawat man giraray si Fajardo sa PBA Philippine Cup finals sa ibong kan injury.
Makalihis man na makua an titulo kan Beermen, nagbali sinda Fajardo asin teammate na si CJ Perez sa Gilas.
An 35-year-old big man an magiging key player para sa Gilas, orog na ta mayo an presensya kan 7-foot-3 behemoth na si Kai Sotto.
Mientrastanto, pig-inkaminar kan head coach kan Gilas na si Tim Cone an team na mag move on na asin makanuod sa mga nagin lessons, makalihis an pagkadaog sa Chinese Taipei
