Nag-apelar si Senate Majority Leader Francis Tolentino sa pribadong sektor na magtabang sa clearing operations sa Maharlika Highway sa parte kan banwaan nin San Fernando, Camarines Sur, tanganing makaagi an mga truck na magdadara kan relief goods sa mga lugar na naapektaran kan bagyong Kristine.
Dakula soboot an matatabang kan mga construction company na igwang heavy equipment tanganing mapakarhay an daloy kan trapiko sa Maharlika Highway, Asian Highway 26 (AH26), na nagkokonektar sa Metro Manila asin Bicol Region.
Pigkumpirmar sa mga report na nakaabot sa senador na an mga truck kan Philippine Red Cross, Metro Manila Development Authority (MMDA), asin iba pang nga grupo dae makadiretso sa lokasyon kaini sa banwaan kan Milaor, na igwang 15 kilometro an rayo sa Naga.
Puon pa kan nakalihis na Oktubre 21, kadakol na man na mga lunadan puon sa Metro Manila pasiring Bicol, Visayas, asin Mindanao, an nagtitinir na stranded sa mga nasambitan ng highway.
Kaiba sa mga nagreport sa senador si Minalabac Mayor Cris Lizardo, na nagtatao nin sitwasyon sa saindang banwaan na parte kan Bicol River Basin.
Sigun ki Lizardo, kadakol sa mga binahang lugar sa kalabaan kan highway sa tahaw kan Milaor asin Naga City pano nin mga dae makadiretsong lunadan pasiring sa magkaibong na direksiyon.
