NAGA CITY- Kumpiyansa an coach kan sarong Filipina Rower na masagwan ini tanganing makalaog sa quarterfinal spot kan Rower sa nagpapadagos na Paris Olympics 2024.
Sa entrevista kan Bombo Radyo Naga ki Coach Edgardo Maerina Oly, Coach ni Filipina rower Joanie Delgaco, pigsaysay kaini na nagin maogma man ini sa resulta kan kawat ni Delgaco maski pa nasa Rank 4 ini. Ini nin huli ta nahiling kaini na desido an atleta na makalaog sa quarterfinals.
Saaga man nin alas-9 nin pagkaaga, oras sa France an aabangan an huring tyansa ni Delgaco na makalaog sa quarterfinals.
Marurumdoman, sulamenteng an top three finishers sa kada heat an mausad sa quarterfinals mantang an iba pang contestants an kaipohan pa man na labanan kaini sa repechage stage.
Mientrastanto, antes paman soboot ining magsabak, labi na an nagin trainings ni Delgaco asin pag-abot sa Paris an nagtraining pa ini sa laog nin sarong bulan. Huli digdi kun kaya nagtutubod si Oly makakalaog pa ini sa finals.
Saro man sa nahihiling ni Oly na rason kun tano nasa rank 4 an saiyang atleta an huli ta mga beterano na sa rower partikulamente na an duwang atleta na nangenot sa rower.
