Nagpeprepar na an Coast Guard District North Eastern Luzon (CGDNELZN) sa piglalaoman na pagtama kan bagyong Uwan sa nasyon.
An nasambitan ng coast guard office an igwang sakop sa mga lugar na piglalaoman na premerong tutumbukon kan makusog na bagyo na igwang potensyal na magin sarong super typhoon, basado sa forecast.
Sigun sa nasambitan Ng opisina pigsairarom na sa full alert status an gabos kan station asin sub-stations kaini, sinyales kan mayong-untok na pagbabantay sa saindang nasasakupang lugar, orog na sa coastal areas.
Gabos kan disaster response equipment asin assets kan mga ini pigsairarom na man sa pagsusuri tanganing masierto na preparadong ideploy anuman na oras.
Sa presente, nag-iikot na an mga coast guard personnel sa bilog na mga baybayon kan NE Luzon tanganing abisuhan an mga parasisira, biyaheros asin kada komunidad dapit sa huma na dara kan bagyo.
Sakop kan nasambitan CGD an mga probinsya kan Cagayan, Batanes, asin Isabela sa Cagayan Valley asin Aurora sa Central luzon.
