NAGA CITY- Nakapagrehistro an Comelec Camaligan nin halangkaw na turn out nin registration kan mga botante katakod kan nagpapadagos na Voters Registration.
Sa nagin paghampang sa mga kagawad kan media ni Cielito M. Ramos, MPA, Election Officer III kan Comelec Camaligan, sinaysay kaini na sa presente, basado soboot sa saindang latest na record, nalampasan na si dating pigrerehistro na bagong botante sa saindang lugar.
Sigun sa opisyal, marhay na indikasyon soboot ini nin huli ta nababawasan na an mga aplikante o indibidwal na magdagsa sa huring aldaw kan nasambitan ng Voters Registration na naka-schedule sa September 30, 2024.
Katakod digde, transferees an igwang pinakahalangkaw na numero na nakadugang sa saindang bagong botante asin an nagsunod an mga jovenes 18-anyos na sa aldaw kan mismong eleksyon.
Mientrastanto, pigsaysay pa ni Ramos, na igwa pang sarong satellite registration na ikukundusir an saindang opisina antes an deadline sa maabot na September 30.
Sa ngunyan, pig-enkaminar na sana kan opisyal an gabos na magparehistro na tanganing dae na makasabay sa huring aldaw kan Voters Registration.
