Nagpapagirumdom an Commission on Elections (COMELEC)-Naga sa mga rehistradong botante kan Ciudad nin Naga na mapartisipar sa plebisito sa maabot na Nobyembre 21, 2026.
Sa intrevista kan Bombo Radyo Naga ki Atty. Maico Julia Jr., Election Officer, COMELEC-Naga, sinabi kaini na importante an partisipasyon kan mga botante ngani na maabot an target na 70 porsyento kan voter turnout.
An plebisito iyo an madeterminar kun ano an desisyon sa isyu na iboboto kan mga residentes kan ciudad.
Mientrastanto, suspendido na an voter registration sa Ciudad nin Naga tangarig na matutukan kan COMELEC an pag-andam para sa plebisito.
An nasabing suspension ipapautob lokal sa Ciudad nin Naga, mantang magpapadagos an voter registration sa ibang lugar base sa schedule kan COMELEC.
Piglalaoman na mabalik an rehistrasyon sa Ciudad nin Naga sa Disyembre, depende sa opisyal na resolusyon.
Pigtawan-duon pa ni Julia na an proseso nin pagboto, kaiba an paghanap kan tamang presinto, pag-verify kan pangaran sa listahan, pagsimbag kan balota, asin paghulog kaini sa ballot box. Inenkaminar kaini an mga botante na magpartisipar sa plebisito asin magin pamilyar sa mga reglamento sa pagboto.
