NAGA CITY- Preparado na an Comelec-Sipocot sa papaabuton na Filing of Certificate of Candidacy ngunyan na bulan nin Oktubre.
Sa entrevista kan Bombo Radyo Naga ki Crisostomo M. Plopinio-Election Officer III, sinaysay kaini na an saindang opisina an nakapagtao na nin kaaraman sa saindang nasasakupan dapit sa Pertinent Comelec Resolutions orog na sa nararaning gigibuhon na Filing of Certificate of Candidacy sa masunod na bulan.
Pigheras pa kan opisyal na dapat aram kan mga madaralagan na kandidato an mga guidelines sa Oktubre 1 hasta 8 orog na sa importanteng concern sa Pertinent Comelec Resolutions partikularmente an Comelec Resolution 11045.
Dugang pa kaini na an Comelec personnel o staff an liable orog na kun mag-ako nin dae nag-utob o nagbayolar na aspirante sa kasuguan kan Comelec.
Pigpagirumdom man ni Plopinio na bawal an pag-file sa paagi kan electronic transmisson.
Pinagtawan doon pa kaini na dapat an mga aspirante an kaipuhan na personal na magsumiter kan saindang COC, dapat mag utob sa oras kan pagfile, tama an gabos na impormasyon asin gabos an mafill-outan na impormasyon, notaryado an COC, asin igwang pirma kan aspirante.
An mga forms na kaipuhan para sa pag-file kan mga Certificate of Candidacy (COCs) para sa Mayo 2022 na eleksyon pwedeng ma-i-download sa opisyal na website kan Commission on Elections (Comelec).
