NAGA CITY– Nagbilog na nin composite team an mga otoridad para sa pagkakadakop sa sekyu na tinutukdong naglalay sa P3.4 million na nakatagama para sa bonus kan mga empleyado kan lokal na gobyerno kan Tinambac, Camarines Sur.
Ini an kinumpirmar ni SPO2 Tobias Bongon, tagapagtaram kan Naga City Police Office (NCPO) sa naging entrevista kan Bombo Radyo Naga.
Apwera digdi, nagtabang na man an linya kan National Bureau of Investigation (NBI) maging an Police Regional Office V (PNP-Bikol) para mas maparikas an pagtukoy sa kinamumugtakan kan suspek.
Enot na misyon suboot kan composite team na maaraman muna an lokasyon ni Abrasado na siyertong mayo na sa saiyang harong sa Barangay Sugod, Tinambac, Camarines Sur.
Dugang pa ni Bongon, nakikipag-tumabangan na man an otoridad sa mga tawong pwedeng dalaganan kan nasambitan ng suspek.
Kun marurumduman, nagpromesa na man nin reward money an saro sa mga municipal councilor kan nasambitan ng banwaan para sa makakapagtukdo sa kinamumugtakan kan nasambitan ng suspek.
Aldaw nin Martes kan magpasiring sa ciudad nin Naga an municipal treasurer kan nasambitan ng banwaan kaibahan an suspek tanganing mag withdraw nin P3.4 milyon na nakatagama kuta na para sa bonus kan mga empleyado alagad nilalay suboot ini kan nasambitan ng suspek.
