Piglinaw ni Senadora Risa Hontiveros na dae ibabase sa international standards an comprehensive sexuality education na itutukdo sa mga kaakian asin imbes an masirbing giya sana.
Ipigkahadit asin pigtututolan kaya kan pirang grupo asin senador an probisyon sa bill na naka-angkla soboot an omprehensive sexuality education sa guidelines kan United Nations Educational, Scientific and Cultural Organizationo (UNESCO) asin World Health Organization (WHO).
Piglinaw ni Hontiveros, gagamiton na giya sana kun makakatabang sa kapakanan kan kaakian an internation standards asin mayo man intensyon o obligasyon sa ley na arugon ini.Soboot, kun igwang nakasaysay na dae akma sa konteksto asin kultura kan Pilipinas an dae ini gagamiton.
Dugang kan senadora, Department of Education (DepEd) pa man, kaibahan an mga kinauukulang ahensiya an magpapautob kan CSE asin bako an internation body.
Alagad, dapat soboot igwang konsultasyon pa man sa manlaen-laen na stakeholders.Siring man, sinaysay kan senador na kapakanan asin proteksiyon pa man kan mga kaakian an pangenot na obheto kan pigbubusol kaining prosopwestong ley na bubusision na sa plenaryo kan Senado.
Enot nang tinuligsa ni Hontiveros an soboot pag-atake asin pagpapakuriyat kan salang impormasyon kan Project Dalisay mapadapit sa Senate Bill 1979 o prosopwesto na nagbubusol tanganing kontrahon an teenage pregnancy sa nasyon.
Igwang petisyon ngunyan an Project Dalisay kun saen nangangalap ini nin suporta tanganing kontrahon an pagtutukdo nin comprehensive sexuality education sa mga kaakian na soboot huma sa societak, moral, asin spiritual values.
Sigun ki Hontiveros, gabos kan mga espekulasyon an matutuldukan asin matatawan linaw kun bubukasan na an debate sa Adolescent Pregnancy Prevention Bill sa plenaryo.
