Aminado an Department of Agriculture na aabuton nin duwa hasta sa tulong taon antes man dagusang bumalik an local hog population sa nasyon.
Sigun sa ahensya, ini an huli na man sa pre-African swine fever levels.
Sa sarong pahayag ay sinaysay ni DA spokesperson Assistant Secretary Arnel de Mesa, nahihiling na ninda an nagkapirang mga senyales na makakabuhat liwat an lokal na industriya kan pag uurig.
Padagos man an pagsasagibo kan ahensya nin vaccination sa mga urig asin man nagin marahay man an resulta kaini.
Hinahalat man kan ahensya an approval kan FDA para sa clearance kan pagpapabakal kan mga ASF vaccine commercially.
Basado sa datos kan ahensya , magpuon kan naenot na outbreak kan ASF sa nasyon Kan nakalihis na taong 2019, nagbaba an national hog inventory gikan sa 13 million heads pasiring man sa nine million heads.
