NAGA CITY – Nagrasay an daga sa on-going contruction kan Real asin Mauban Road sa probinsiya kan Quezon.
Sa entrevista kan Bombo Radyo Naga ki Ricky Pobleto, Municipal Government Department Head I kan MDRRMO Real, Quezon, sinaysay kaini na an nasambitan ng landslide an huli sa naeksperyensiyahan na pag-uuran sa mga nakalihis na aldaw.
Sigun pa ki Poblete, kabubuludan na parte an lugar asin tuyong nag-uuran, nagkakaigwa nin paglumoy sa daga na nagkakawsa nin pagrasay kaini.
Katakod digde, mayo man soboot nairehistro na casualties sa nasambitan ng landslide nin huli ta mayo man sa lugar an mga construction workers kan mangyari an insidente.
Dugang pa kan opisyal, dae pa pwedeng mangiaram an saindang lado nin huli ta an in-charge sa clearing operations iyo man an contructor kan nasambitan ng operasyon.
An magigibo sana soboot kan MDRRMO an makipag-coordinate sa DPWH tanganing magkaigwa nin mitigating measures an contructor tanganing malikayan an anuman na insidente.
Sa ngunyan, dagos man na pigpapalikay ni Pobleto an mga residentes na harani sa lugar na dae na muna mag-agi sa area nin huli ta dae pa tapos gibuhon an nasambitan ng tinampo.
