Nagpakol na sa P1.7 billion an kantidad kan danyos na naikurit sa sektor kan agrikultura asin imprastraktura dara kan magkakasunod na bagyong nagtama sa nasyon ngunyan na Setyembre.
Basado sa datos kan National Disaster Risk Reduction and Management Council (NDRRMC) kasuodma, Setyembre 27, labi P914 million an kantidad kan danyos sa agrikultura mantang nasa labi P822 million man sa imprastraktura huli sa bagyong Opong, Nando, asin Marisol siring man huli sa epekto kan hanging habagat.
Pinakamatinding nagsapo nin danyos sa agrikultura an Cagayan Valley o Region 2 na nasa P807 million, sinundan ini kan Western Visayas na igwang P43 million nin kantidad kan danyos, sa Cagayan Valley nasa P4.64 million asin sa Mimaropa nasa kabangang milyon.
Isinairarom na man an bilog na probinsiya kan Cagayan sa state of calamity siring ma an Pagudpud sa Ilocos Norte, Ibajay sa Aklan asin Pagalungan sa Maguindanao del Sur.
