NAGA CITY- Nireklamo kan sarong 15-anyos na daragita an saiyang sadiring tugang na pigsasabing naggagamit nin iligal na droga asin pigkukulugan pa suboot siya sa Calabanga, Camarines Sur.
Sa nagunong impormasyon kan Bombo Radyo Naga, napag-araman na personal na nagpasiring sa hepatura kan PNP Calabanga an 15-anyos na daragita tanganing ireklamo na kinukulugan siya kan saiyang matuang tugang na 27-anyos.
Huli digdi, nagkondusir nin operasyon an mga otoridad na nagresulta sa pagkakaarestar kan suspek sa saindang mismong harong.
Narekober sa pag-iingat kan suspek an duwang sachet nin pigtutubudang shabu.
Napag-araman na enot ng nagsuko an suspek katakod kan programang Oplan Tokhang kan PNP asin kan Duterte Administration.
Sa ngonyan, inaandam na an kasong pagbalgar sa RA 7610 o an Special Protection of Children Against Abuse, Exploitation and Discrimination Act asin an pagbalgar sa RA 9165 o an Comprehensive Dangerous Drugs na isasangat laban sa nasambitang suspek.
