NAGA CITY-Maduong pigkondenar ni dating Presidente Rodrigo Duterte an pigsagibong raid kan kapulisan sa mga property ni Kingdom of Jesus Christ leader Pastor Apollo Quiboloy kun saen nagkaigwa nin tensyon sa tahaw kan kapulisan asin mga miyembro kan nasambitang sekta maski mayo man nairehistrong nagin irido.
Sigun ki Duterte nangyari pa soboot an nasambitang insidente sa lugar nin sambahan asin sa school premises na dai soboot kaako-ako.
Hapot kan dating presidente kun an nasambitang overkill an magigin trademark soboot kan presenteng administrasyon sa pagtrato sa mga indibidwal na pig-akusaran sana na nakagibo nin krimen asin dai pa napapatotoohang nagkasala.
Pig-kwestyon man kan dating Presidente kun papairalon an parehong kawaran soboot nin self-restraint na pigpahiling sa kritiko kan presenteng administrasyon sa pagtrato sa saindang mga taga-suporta.
Pigsambit man kan dating Presidente na papapno soboot magagarantiya kan presenteng administrasyon an pagpepreserba kan constitutional rights kan mga mamamayang Pilipino kun an pinakaimportante soboot sa mga karapatang ini pigtutungtungan asin pigbabalgar.
Marurumduman na si Pastor Quiboloy haraning amigo asin spiritual adviser ni Duterte.
Kan Marso kan presenteng taon pig-anunsiyar kan SMNI na pigtalaga an dating Presidente komo administrator kan mga ari-arian kan KOJC.
Kan Lunes man nagsagibo nin raid an nasa lampas 100 nin kapulisan gkan sa Criminal Investigation and Detection Group, Special Action Force, asin iba pang Philippine National Police units sa mga property ni Quiboloy kabali an KOJC compound sa Buhangin, Davao City, asin Prayer and Glory mountains sa Barangay Tamayong.
