Devotees carry the statue of the Black Nazarene during the start of an annual procession in Manila. The Black Nazarene, a life-size wooden statue of Jesus Christ carved in Mexico and brought to the Philippines in the 17th century, is believed to have healing powers in the predominantly Roman Catholic country. It is paraded through the narrow streets of Manila's old city from dawn to midnight. Police said about 500,000 people joined the procession on Wednesday. (Erik De Castro/Reuters)

NAGA CITY- Piglalaoman na mas doble an numero kan mga deboto sa kapistahan kan Itom na Nazareno ngunyan na taon.

Sa entrevista kan Bombo Radyo Naga ki Nicomedes Sirios III, Chair, Liturgy and Publicity Committee kan Hijos de Nazareno Bicol Unit, Holy Cross Parish, pigsaysay kaini na ngunyan na ika-36 na selebrasyon kan Itom na Nazareno sa syudad nin Naga asin liwat na pagbubukas kan taunang prebelihiyo kan manlalakbay kan Pag-asa, pighihiling digde an posibilidad na mag doble an tawo o mga deboto huli naman sa kamawotan kan mga ini na matawan nin biyaya gikan sa Itim na Nazareno.

Sa paagi man kaini, piglaoman man soboot na magin makabuluhan asin marahay an pag selebrar orog na ta dadagsaon ini kan kadakol na tawo.

Segun pa ki Sirios, naghagad man soboot sinda nin tabang sa PNP asin Public Safety Office kan syudad tangani na maaseguar an katoninungan kan selebrasyon asin man kasalbaduhan kan kadaklan.

Sa ngunyan kahagadan nasna kaini na an senseridad asin pagpangadyi kan mga deboto na maatendir hasta sa petsa 9 kan Enero, likayan an paggibo nin kun ano man na kariribokan o eskandalo, asin mag pokus na sana sa Itim na Nazareno.

RELATED ARTICLESMORE FROM AUTHOR