Ibinunyag kan Commission on Audit (COA) na nagsagibo suboot nin 115 surveillance operations an Department of Education (DepEd) sa panahon kan panunungkulan ni Vice President Sara Duterte komo kalihim kan ahensiya, alagad mayong naisumiteng listahan nin mga lugar na nasambit.
Sa pagpapadagos kan ika-12 aldaw kan Impeachment Trial, sinabi ni COA Auditor Roderick Wamil na nakalaag sa Accomplishment Report kan DepEd pOon Pebrero 20 hasta Marso 30, 2023 an paggamit kan Confidential Fund, kabali sa mga exhibits na pinagkasunduan kan Prosecution asin Defense panel.
Segun sa report, P37.5 milyon an nireserba para sa Counter Insurgency, pagpugol sa pan-aabuso sa recruitment kan New People’s Army sa mga eskuwelahan, Anti-Illegal activities Operations, asin Anti-extremism asin Terrorism Programs.
Sa Counter Insurgency, nakalaag an P2.47 milyon para sa pagbakal kan impormasyon, P2 milyon sa reward payments, P2.805 milyon sa supplies, asin P2.1 milyon sa insentibo sa biyahe katakod kan Confidential Operations — kabilogan na P9.375 milyon.
Dugang pa na dawa inireport na natapos an 115 Surveillance Operations, mayong nakatalaAng partikular na lugar sa report na isinumite sa COA. Apwera pa digdi, P10 milyon an inilaan para sa pagpugol sa Illegal Activities sa mga eskwelahan sa irarom kan Anti-Extremism asin Terrorism Campaign.
Idinugang pa ni Wamil na kabali sa reward payments an P2 milyon para sa Counter Insurgency, P2.13 milyon para sa pagsawata kan pang-aabuso, P1.5 milyon para sa Anti-Illegal Operations, asin P1.8 milyon para sa Anti-Extremism asin Terrorism.
