Matrayumpo segun sa Department of Education (DepEd) anpagbawas sa paperworks kan mga paratukdo sa bilog na nasyon.
Segun kay Education Secretary Sonny Angara, nag abot nin 57 % an nabawas sa paperworks kan mga paratukdo o mga gibuhon na nagtutukoy sa pagproseso kan mga dokumento, office works, asin iba pang kaparehas kan mga gibuhon.
Sa paagi kaini mas makakapag-pokus an mga paratukdo sa saindang pagtutukdo sa mga estudyante.
Segun pa ki Angara, dagos-dagos an pag-hire kan DepEd sa mga non-teaching personnel para sinda an magsalo sa paperworks.
Sa ibong kaini an hanggang 5,000 Administrative Officers asin Project Development Officers an aatasang magibo kan non-teaching works na haloy nang pinoproblema kan mga paratukdo
Segun pa ki Angara, target kan DepEd na protehiran an teaching time asin pabayaan an mga paratukdo na magtukdo sa mga eskwelahan sa halip na kinakakan an oras sa paperworks.
Parte kaini an reporma kan DepEd, mantang pinagbubuti asin pinoprotektaran an kapakanan kan mga paratukdo .
