Pigsierto kan Department of Education (DepEd) na saindang matatawan nin proteksiyon an kapakanan asin karapatan kan mga paratukdo na masirbe sa May 12 national asin local elections.
Sigun ki DepEd Secretary Sonny Angara, na importante na matawan nin bilog na suporta an mga paratukdo na masirbe sa eleksiyon.
Igwa na man piglaan an DepEd nin Election Task Force (ETF) na iyong matao nin real time monitoring, assistance asin pagresponde sa panahon kan eleksiyon.
Magigin fully operational an DepEd Election Command Center puon Mayo 11 hasta 13 kun saen an headquarters makukua sa siyudad kan Makati.
Advertisement
Kaibahan kan DepEd sa ETF operation center an Commission on Elections, Public Attorneys’ Office asin pirang mga law enforcement agencies.
Advertisement
