Nakapreparar an Department of Education (DedEd) na makipagtabangan sa Office of the Ombudsman para sa marekas asin patas na pagresolbar kan kaso katakod sa soboot maanomaliyang pagbakal kan P2.4 bilyong kantidad kan outdated laptops sa kasagsagan kan nakalihis na COVID-19 pandemic.
Ini an makalihis na ipinagsugo kan Ombudsman an pagsusunad nin graft and falsification charges kontra kina Education Secretary Leonor Briones asin iba pang opisyal.
Sa sarong statement, pigkumpirmar kan ahensiya na naipaaram na sa sainda an resolution kan Ombudsman tanganing magsunaf kan mga nasambitan ng charges.
Ipighayag man kan ahensiya na an mga opisyal na subject sa mga kaso an mayo ng posisyon o anumang koneksiyon sa ahensiya.
Nakapreparar man soboot sinda na itao an gabos kan kinakaipuhang mga dokumento, impormasyon, asinbiba pang tabang tanganing masierto na mapapanimbat an mga responsable asin maprotehira an interest kan publiko.
Nag-ugat an nasambitan ng kaso makalihis na tuyawon kan Commission on Audit (COA) kan nakalihis na 2022 an pagbakal kan soboot outdated asin mahal na laptops na nagkakantidad kan hasta P53,000 lambang saro sa mga paratukdo sa pampublikong eskwelahan sa tahaw kan pag-shift kaidto sa distance learning makaligis na ipagbawal an face-to-face classes huli sa pandemya.
