NAGA CITY- Padagos an DepEd Region V sa pagkriar nin mga programa na makakatabang para sa mga estudyante sa bilog na Rehiyong Bikol.
Sa nagin patara-tara ni Dr. Gilbert Sadsad, Regional Director kan Deped-Bicol, sinaysay kaini na an 8-week learning recovery curriculum na piloted kan Deped Region 5 an nakaguno nin pagrekognisar gikan sa National asin International education specialist, stakeholders asin policy makers.
Sigun pa sa opisyal, taong 2022 kan matapos an Covid 19 pandemic, tolos na hiniling kan nasambitan ng ahensiya an pagkanood kan mga kaakian o mga estudyante na nagresulta tanganing mabilog o puonan an Learning Recovery plan o pig-apod na Recovering from Academic Achievements by improving instructions through sustainable evidence base learning program in Region 5.
Obheto soboot kaini na liwat na palangkawon an lebel kan pagkatuto kan mga estudyante na labing nagbaba orog na sa kasagsagan kan pandemya. Dugang pa ni Sadsad, an edukasyon an basic driving force sa development kun kaya kaipuhan na tawan nin magkakanigong atensyon an pagpapamarhay sa kalidad kan edukasyon sa bilog na nasyon tanganing magin globally competitive an mga Filipino students.
Pigtawan duon pa kan Regional Director na dae pwedeng dae magpadagos an edukasyon, dapat soboot pigpapadagos an pagbusol sa pig-aapod na sound quality education para sa futuro kan mga kaakian.
Sa ngunyan, pig-enkaminar na sana kaini an gabos na magkasararo pasiring sa pagbuhat sa lado kan edukasyon sa bilog na Pilipinas.
