Piglalaoman na makakatabang an desisyon kan National Assembly na i-impeach si Presidente Yoon Suk Yeol sa paghahali nin uncertainties na tumama sa financial asin foreign exchange markets kawsa kan pigdeklarar na martial law sa South Korea, segun sa sarong eksperto.
Pigsumiter kan mga lehislador an mosyon tangani na halion si Yoon sa pwesto sa sarong 204-85 na boto kan aldaw nin Sabado kasunod kan saiyang panandaliang deklarasyon nin martial law kan nakalihis man nin Disyembre 3.
Segun man ki Lee Kyung-min, isarong eksperto gikan sa Daishin Securities, ngunyan na naisumiter na an impeachment motion, piglalaoman na mas magigin makusog pa an market huli sa nabawasan an nagkapirang uncertainties gikan sa politika.
Kasunod kan deklarasyon nin martial law, an stock market, nagbagsak sa yearly low asin an Korean won nagbagsak man nin labi sa mas hababa sa 1,400 won laban sa U.S. dollar.
Haros nakarekober an stock market makalihis na mag promisa an mga financial authorities na mag-inject nin unlimited liquidity asin magpautob nin mga karagdagang lakbang sa marikas na paagi, kun kinakaipuhan.
